13 ноя 09:43
Янгиликлар

Формула-1

Феттель - Бразилия Гран-приси ғолиби!

Бразилиянинг Сан-Паулу шаҳрида “Формула-1” чемпионати доирасидаги Бразилия Гран-приси бўлиб ўтди.

Интерлагос трассасида ўтган мусобақанинг ҳал қилувчи пойгасида “Феррари” жамоаси пилоти Себастьян Феттель ғолибликни қўлга киритди. Бу германиялик пойгаси учун мавсумдаги бешинчи, фаолиятидаги 47-соврин бўлди.

Иккинчи ўринни “Мерседес” жамоаси аъзоси Валттери Боттас эгаллади. Кучли учликка “Феррари” вакили Кими Райкконен якун ясади. Муддатидан аввал жаҳон чемпионлигига эришган Льюис Хэмилтон 4-ўрин билан кифояланди.

Маълумот учун, “Формула-1” чемпионатининг якуний босқичи икки ҳафтадан сўнг БАА пойтахти Абу-Даби шаҳрида 24-26 ноябрь кунлари бўлиб ўтади.