Февраль ойидаги UFC турнирининг асосий жанги эълон қилинди

Ўта енгил вазн тоифасида Марио Баутиста ва Винисиус Оливейра ўртасидаги жанг 7 февраль куни Лас-Вегасда бўлиб ўтадиган UFC турнирининг асосий жангига айланади. Жанг ташкил этилиши ҳақида вазиятга яқин бўлган хабардор манбалар маълум қилди.

Марио Баутиста октябрь ойида эҳтимолий даъвогарлик жангида Умар Нурмагомедовга ютқазиб, саккизта ғалабадан иборат ажойиб сериясини тўхтатганди. Винисиус Оливейра эса UFC’да мағлубият нималигини билмай келяпти. У кетма-кет тўртта жангда ғалаба қозонди. Сўнгги жангида ҳакамларнинг якдил қарори билан Кайлер Филлипс устидан зафар қучди.

Таққослаш учун, айни пайтда Марио Баутиста ва Винисиус Оливейра ташкилотнинг ўта енгил дивизиони рейтингида мос равишда тўққизинчи ва ўн учинчи ўринларни эгаллаб турибди.