01 июн 17:23
Янгиликлар

Теннис

Финалида Шин ўйнаган M15 Tashkent 2 турнири якунланди

Пойтахтимиз мезбонлигида ўтган теннис бўйича M15 тоифасига кирувчи турнир ўз якунига етди.

Мукофот жамғармаси 15 000 АҚШ долларидан иборат M15 Tashkent 2 турнирининг ҳал қилувчи финалида Ўзбекистоннинг тўртинчи ракеткаси Максим Шин мусобақада тўртинчи рақам остида таснифланган япониялик Рена Токудога қарши кортга чиқди.

Ҳамюртимиз ва япониялик теннисчи ўртасидаги рейтинг тафовути деярли 1000 поғонани ташкил қилди. Бу натижада ҳам акс этди. Токудо 6/4, 6/3 ҳисобида ғалаба қозониб, Тошкент турнири чемпионига, Шин эса вице-чемпионига айланди. Максим учун бу яхши натижа.

Таққослаш учун, Максим Шин айни пайтда ATP рейтингида 1737, Рена Токудо эса 789-ўринни эгаллаб турибди. Чемпион ярим финалда яна бир ҳамюртимиз, турнирнинг биринчи ракеткаси Сергей Фоминни мағлуб этишни уддалаган эди.