16 фев 09:43
Янгиликлар

Бокс/ММА

Физиев АҚШ визасини олди, Дос Аньосга қарши жанг ўтказилади + ФОТО

Ниҳоят, UFC рейтингида 11-ўринни эгаллаб турган Рафаэль Физиев АҚШ визасини олишга муваффақ бўлди.

Қирғизистонлик аралаш яккакураш устаси айнан виза сабаб АҚШга ўз вақтида учиб кета олмаган ва бунинг натижасида 19 февраль куни белгиланган жанги кечроқ муддатга кўчирилган эди.

Энди Рафаэль Дос Аньос - Рафаэль Физиев жанги 5 март куни АҚШнинг Невада штати Лас-Вегас шаҳрида ташкил этиладиган UFC 272 турнири доирасида бўлиб ўтади. Бу ҳақида "Атаман"ни ўзи ижтимоий тармоқдаги саҳифасида хабар берди.

"Яхши янгиликлар! Тез орада кўришамиз", - дея Твиттер саҳифасида сурат ва унинг остида изоҳ қолдирган Физиев.