Фомин 1/2 финалда иккинчи ракеткага қарши уч сетлик учрашув ўтказди

Мукофот жамғармаси 15 000 АҚШ долларини ташкил этувчи ушбу мусобақада ҳамюртимиз Сергей Фомин ҳам муваффақиятли одимлаётган эди. Мамлакатимизнинг иккинчи ракеткаси бироз аввал якунига етган 1/2 финал учрашувида ғалабага жуда яқин келганди.  

Ҳамюртимиз финал чиптаси учун кечган баҳсда Анталия турнирининг иккинчи ракеткаси испаниялик Макс Гурри Алкалага қарши кортга чиқди. Биринчи сетни 6/4 ҳисобида ўз фойдасига ҳал қилган Сергей иккинчи сетда қўлга киритган брейк-пойнтдан унумли фойдалани билмади. Натижада Гурри сетни 7/5 ҳисобида ўз фойдасига ҳал қилди. Ҳал қилувчи учинчи сетда Фоминнинг асаблари дош бермади ва деярли қаршиликсиз ютқазди - 2/6.  

Таққослаш учун, Сергей Фомин айни пайтда ATP рейтингида 564, турнирнинг иккинчи ракеткаси ҳисобланган Макс Гурри 419-ўринни эгаллаб турибди.