10 июн 19:36
Янгиликлар

Теннис

Фомин 343 поғона юқоридаги рақиб билан уч сетлик учрашув ўтказди

Хабар берганимиздек, Қозоғистоннинг Шимкент шаҳрида теннис бўйича “Челленжер” туркумига кирувчи турнир давом этмоқда.

Ҳамюртларимиздан Санжар Файзиев илк даврада АҚШ вакили Эван Кингга 2:6, 2:6 ҳисобида имконияни бой бериб қўйганди эди. Бир неча дақиқа аввал якунига етган учрашувда иккинчи теннисчимиз Сергей Фомин кортга чиқди.

Ўтган ҳафта “Ролан Гаррос” турнирида муваффақиятли иштирок этган истеъдодли теннисчимиз франциялик Александр Мюллер билан тўқнаш келди. Икки соату 24 дақиқа давом этган драматик баҳсда Фомин рақибига 2:6, 6:2, 6:7(2) ҳисобида ютқазиб қўйди.

Таққослаш учун, Сергей Фомин ATP рейтингида 631, Мюллер эса 288-ўринни эгаллаб турибди. Фомин кучли рақибга қарши муносиб қаршилик кўрсатди. У хатто ҳал қилувчи учинчи сетда 3:1 ҳисобида олдинга ҳам чиқиб олганди. Лекин муваффақиятини ривожлантира олмади.