26 июл 10:02
Янгиликлар

Теннис

Фомин Нонтабури турнири 1/4 финалида 3 сетлик учрашув ўтказди

Таиланднинг Нонтабури шаҳрида теннис бўйича “Фьючерс” туркумига кирувчи турнир бўлиб ўтмоқда.

Соврин жамғармаси 25 000 АҚШ долларини ташкил қилувчи мусобақада истеъдодли теннисчимиз Сергей Фомин ҳам иштирок этаётганди. Афсуски, ҳамюртимиз ҳозиргина якунига етган чорак финал баҳсида рақибига аламли тарзда ютқазиб қўйди.

Фомин 1 соату 57 дақиқа давом этган чорак финал учрашувида украиналик Владислав Орловга 6:1, 5:7, 2:6 ҳисобида имкониятни бой бериб қўйди. Сергей бир неча маротаба брейкларни амага оширган бўлса-да, якунда ғалаба қозона олмади. Еттита эйс зарбаси ҳам унга ёрдам бермади.