16 окт 14:40
Янгиликлар
Фомин "Ольбия Челленжер"идаги иштирокини якунлади
Хабар берганимиздек, Италиянинг Ольбия шаҳрида теннис бўйича "Челленжер" туркумидаги мусобақа давом этмоқда.
Кеча ўзбекистонлик теннисчи Сергей Фомин мусобақада яккалик дастуридаги иштирокини якунлади.
У 1/16 финал босқичи доирасида франциялик Констант Ластьенга қарши кечган беллашувда имкониятни бой берди. 1 соат, 12 дақиқа давом этган баҳс 2:0 (6/0, 6/3) ҳисобида Ластьеннинг фойдасига якунланди.
Энди Сергей жуфтлик дастуридаги юришини давом эттиради.
Маълумот учун, 32 ёшли Ластьен айни дамда ATP рейтингида 172-ўринни эгаллаб турган бўлса, 21 ёшли Фомин 543-поғонадан жой олган.
Ҳавола :
Манба : olamsport.com
Фикрлар