07 окт 12:38
Янгиликлар

Теннис

Фомин саралашнинг финалида қозоқ теннисчисига бир сет қаршилик кўрсатди

Хитойнинг Шандунь провинцияси Жинан шаҳрида "Челленжер" туркумига кирувчи Jinan Open турнири бўлиб ўтмоқда.

Мукофот жамғармаси 200 000 АҚШ долларини ташкил этувчи ушбу турнирнинг саралаш баҳсларида ҳамюртимиз Сергей Фомин ҳам ўз омадини синаб кўрди. Мамлакатимизнинг иккинчи ракеткаси илк даврада саралашда тўртинчи рақам остида таснифланган япониялик Рио Ногучини 6/7(4), 6/4, 7/6(2) ҳисобида мағлуб этишни уддалаганди.

Афсуски, у саралашнинг финал учрашувида 10-рақам остида сараланган қозоғистонлик Денис Евсеевга имкониятни бой бериб қўйди. Етмиш беш дақиқа давом этган баҳсда Фомин рақибига бир сетгина қаршилик кўрсата олди, холос - 6/7(1), 0/6. Сергей 1, Денис 6 та эйс зарбасини амалга оширган.

Таққослаш учун, Ногучи ATP рейтингида 219, Фомин 492, Евсеев 341-ўринни эгаллаб турибди.