30 окт 13:25
Янгиликлар
Теннис
Фомин Хитойда ўйинсиз чорак финалга йўл олди
Цяньдаоху шаҳрида (Хитой) ўтказилаётган теннис бўйича ITF M25 турнирида нимчорак финал босқичи ниҳоясига етмоқда.
Бироз аввал турнир доирасида мамлакатимизнинг биринчи рақамли ракетка устаси Ҳумоюн Султонов австралиялик рақибига мағлуб бўлиб, мусобақани тарк этгани ҳақида хабар бергандик.
Сергей Фомин ҳам чорак финал йўлида кортга чиқиши керак эди. Бироқ унинг украиналик 38 ёшли Илья Марченкога қарши баҳси бекор қилинди. Марченко ўйинда иштирок эта олмаслигини билдирди. Бу ҳолатда Сергей Фомин тўғридан-тўғри чорак финал босқичига йўл олди.
Энди унинг кейинги рақиби Малайзия вакили Митсуки Вей Канг Леонг бўлади. Ўйин 31 октябрь куни 7:00 да бошланиши белгиланган.
Маълумот учун, Фомин айни дамда ATP рейтингида 463, Леонг эса 777-ўринни эгаллаб турибди.
Ҳавола :
Манба : olamsport.com
Фикрлар