21 авг 14:38
Янгиликлар

Теннис

Фоминнинг Москва турниридаги баҳси драматик кечди

Россия Федерацияси пойтахти Москва шаҳрида теннис бўйича "Фьючерс" туркумига кирувчи турнир давом этмоқда.

Соврин жамғармаси 15 000 АҚШ долларини ташкил қилувчи мусобақада уч нафар ҳамюртимиз ҳам ўз маҳоратини намойиш этяпти. Улардан Сергей Фомин ҳозиргина биринчи давра учрашувини ўтказди.

Ҳамюртимиз 2 соату 17 дақиқа давом этган баҳсда россиялик Кристиан Лозанга 1:6, 6:4, 5:7 ҳисобида имкониятни бой бериб қўйди. Ҳал қилувчи учинчи сетда 1:5 ҳисобида ютқазаётган Фомин мувозанатни тиклаб олди. Лекин ўз геймида ютқазиб, яккалик баҳсларини тарк этди.