Forbes дунёнинг энг кўп пул тўланадиган теннисчилари рейтингини тузди

Унга кўра, рейтингнинг етакчиси сифатида Новак Жокович қайд этилган. Сўнгги 12 ойда у ўз ҳисоб рақамига 38,4 млн доллар қўшиб қўйган, бу сумманинг 11,4 миллиони кортдаги ўйинлари сабаб ютиб олинган.

Иккинчи ўринда "Катта Дубулға" таснифидаги турнирларнинг икки карра ғолиби Карлос Алькараз кўрсатилди. Унинг фойдаси 31,4 млн долларни ташкил қилган бўлса, шуларнинг 11,4 миллион турнирнинг соврин жамғармаси ҳисобига тўғри келади.

Кучли учликни Даниил Медведев ёпиб берди. У сўнгги 12 ой давомида 20,1 млн доллар фойда кўрди. Ушбу сумманинг 7,1 миллионини турнирлардаги иштироки туфайли қўлга киритган.

Аёл теннисчилардан эса пешқадамлик Ига Свёнтекка насиб қилди. Дунёнинг биринчи рақамли теннис маликаси бир йил давомида 22,4 млн евро ишлаб топган, шуларнинг 8,4 миллиони турнирлардаги ғалабаларидан кейин қабул қилинган.