ФОТО Пекин Олимпиадаси қанчага тушди?

Пекин Олимпиадаси ташкилотчилари Олимпия ўйинлари учун кетган ҳаражат 3,9 миллиард долларни ташкил этганини маълум қилишди. Бу Олимпия ўйинлари тарихидаги энг паст кўрсаткичлардан биридир. 

Таққослаш учун, Токиодаги Ёзги Олимпия ўйинлари 28 миллиард долларга, Сочидаги Қишки Олимпиада 22 миллиард долларга баҳоланган ( Tifosy компаниясининг ҳисоб-китобларига кўра). 2008 йилги Пекиндаги ёзги Олимпиада эса 42 миллиард долларга тушган эди.

Tifosy инфографикаси:

Олимпиада Хитойга 10 баробар қимматга тушган бўлиши ҳам мумкин...

Business Insider маълумотларига кўра, 2022 йилги Олимпиада Хитойга қурилиш ҳаражатлари ва айрим инфратузилмаларни ҳисобга олган ҳолда 38,5 миллиард долларга тушган бўлиши мумкин.

Хитой, шунингдек, ковид хавфсизлиги чоралари учун кетган пулларни ва атроф-муҳит ҳаражатларини ушбу ҳаражатлар қисмига киритмаган. Улар билан бу кўрсаткич юқорироқ бўлар эди.

Хитой яна баъзи ҳаражатларни "капитални яхшилаш дея изоҳлади" ва Олимпиаданинг расмий ҳаражатларига киритмади. 2008 йилги Ўйинлардаги бир қатор объектлар, масалан, "Қуш уяси" стадиони ва "Water Cube" сузиш мажмуаси Қишки Олимпиада учун мослаштирилди, аммо ҳаражатлар рўйхатига киритилмади. Пекин қурилишига 186,6 миллион доллар сарфланган  "Ice Ribbon Skating" Аренанинг ҳаражатларини ҳам рўйхатга қўшмади.

Эътиборингизга яна баъзи рақамларни ҳавола этамиз:

Олимпия шаҳарчаси – 3,16 миллиард доллар;

Янцинда бобслей, скелетон, чанғи спорти ва тоғ чанғиси учун кетган ҳаражат - 442,9 миллион доллар;

Янги автомагистраллар қурилиши - 15,02 млрд. доллар;

Ўйинларга хизмат кўрсатиш учун метро линиялари - 773,5 миллион доллар;

Чжанцзякоу Ниньюан аэропортини безаш - 256 миллион доллар.

Буларнинг барчаси Пекин эълон қилган бюджетга тўғри келмаслиги аниқ.