ФОТО Пекин Паралимпия-2022 ўйинлари якунланди. Ким қанча медаль жамғарди?

5-13 март кунлари оралиғида ўзбекистонлик параспортчиларсиз ўтган мусобақада сайёрамизнинг 46 давлатидан жами 564 нафар атлет 78 та медаллар жамланмаси учун баҳс олиб борди. 

Якунда кутилганидек, Хитой терма жамоаси медаллар жамғариш бўйича умумжамоа ҳисобида биринчи ўринни банд этишди. Мезбонлар 18 та олтин, 20 та кумуш, 23 та бронза, жами 61 та медалга эга чиқишди.

Иккинчи ўринни Украина терма жамоаси 11 та олтин, 10 та кумуш, 8 та бронза медали билан эгаллаган бўлса, кучли учликка Канада (8 та олтин, 6 та кумуш, 11 та бронза) якун ясаб берди. Жами 19 мамлакат делегациялари ўз уйларига камида 1 тадан бронза медали билан қайтишди. 

Маълумот учун, навбатдаги қишки Паралимпия ўйинлари 2026 йил Италиянинг Милан ва Кортина-д’Ампеццо шаҳарларида бўлиб ўтади.