Францияда ЖЧ-2022 финалини қайта ўтказиш ҳақидаги петицияни 200 000дан ортиқ киши имзолади

Жаҳон чемпионати финалидан сўнг Mesopinions.com порталида петиция пайдо бўлди. Ушбу петицияда Қатардаги Жаҳон чемпионати финал ўйинини қайтадан ўтказиш талаб қилинган. Бу талаб аллақачон 208 мингдан ортиқ овоз тўплашга улгурди. 

"Ҳакамлик очиқчасига сотилди. Пенальти йўқ эди, Аргентинанинг иккинчи голида Мбаппега нисбатан қўполлик бор эди", -деб ёзади петиция муаллифи. 

Эслатиб ўтамиз, ЖЧ финалини польшалик ҳакам Шимон Марчиняк бошқариб борганди.