Франциялик теннисчилар Australian Open тўпларини танқид қилишди + ФОТО

Яшил қитъада йилнинг дастлабки "Катта Дубулға" турнири - Australian Open-2024 мусобақаси бўлиб ўтади. Айни пайтда аксарият теннисчилар иқлимга мослашиш мақсадида Австралияга етиб боришган ва машғулотларни ўтказишяпти. Айрим теннисчиларга мусобақада ўйналувчи тўплар ёқмаяпти.

Жумладан, дунёнинг 230-ракеткаси бўлиб турган Хармони Тан ҳамда собиқ теннисчи Ализе Лим ўзларига тақдим этилган тўпларни ижтимоий тармоқдаги саҳифаларига жойлаштиришган. Францияликлар суратларга олдин ва кейин дея шартли ном ҳам беришган. Машғулотгача ва ундан кейинги тўпларнинг ҳолатини ушбу суратлар орқали билиб олса бўлади. 

"Ёки Хармони иккимизнинг зарбаларимиз жуда кучли ё ҳали биз Мельбурнда бу тўплар ва уларнинг сифати ҳақида ҳали кўп эшитишимизга тўғри келади", - дея суратларга изоҳ берган Лим.