Френк Уоррен: "Агар Фьюри Усик билан жанг қилишни истаса, шундай бўлади"

WBC йўналиши чемпиони Тайсон Фьюрининг промоутери Фрэнк Уоррен мижозининг Деонтей Уайлдер билан бўладиган жангдаги имкониятини баҳолади ва Александр Усик билан эҳтимолий жанг ҳақида гапирди.

«Мен Тайсон Уайлдерни яна мағлуб этишини кутаман, лекин айтганимдек, Деонтей катта ва хавфли йигит. Биз буни кўп марта кўрганмиз. Тайсон муваффақият қозонса, у муҳим қарор қабул қилиши керак бўлади. Агар Усик билан жанг қилишни истаса, шундай бўлади. Агар хоҳламаса, йўқ», - деди Уоррен.

Шу билан бирга, Фьюрининг промоутери Энтони Жошуа Усикни реванш жангида мағлуб эта олишига шубҳа билдирди.

«Маtchroom компанияси Жошуага камарларни қайтариб бермоқчи. Улар муваффақият қозонишадими? Мен бунга шубҳа қиламан, чунки Жошуа Усикни мағлуб эта олмайди деб ўйлайман. Александр жасур, қаттиққўл йигит. У ўзини эҳтимол 500 киши қўллаб-қувватлаган 65 минг кишилик стадионга кирди. Усик шер уясига кириб, уни қўлга олди», - дея Уорреннинг сўзларидан иқтибос келтиради Бокс24/7.

Аввалроқ, Энтони Жошуаниниг промоутери Эдди Хирн Александр Усик билан бўлажак реваншнинг баъзи тафсилотларини ошкор қилган эди.