Фьюри: "Мен руҳий муаммолар сабаб жанглардан олинганман"

Боксчининг сўзларига кўра, фаолияти давомида руҳий муаммолар сабаб жангларда қатнаша олмаган.

"Инсон учун ҳақиқий муаммо - бу психологик соғлиқ. Мен буни бутун ҳаётим давомида ҳис қилиб келмоқдаман. Психологияси билан муаммоси бор одамни рингга чиқишини кутиш мантиқсиз иш. Олдинроқ мен айнан шу сабаб билан жанглардан олинганман.

Жисмонан соғдек кўринган жангчида муаммо йўқ деб ўйлаш керак эмас. Асосий муаммо унинг руҳиятида бўлиши мумкин. Пандемия пайтида жуда кўп инсонлар руҳий қийинчиликка учрашмоқда. Унутманг, бир кун барибир ёруғ кунлар келади. Қийин пайтларда эса яқин инсонингизга суяниш керак", - деди Тайсон Фьюри.