Фьюрининг мураббийи: "Усик ва Жошуа жангининг 30-сониясидаёқ ким ғолиб бўлишини билган эдим"

Супероғир вазн тоифасида WBC йўналиши бўйича жаҳон чемпиони Тайсон Фьюрининг (31-0-1, 22 KO) мураббийи Шугар Xилл Стюард WBA, WBO, IBO ва IBF камарлари эгаси Александр Усик (19-0, 13 KO) ва Энтони Жошуа (24-2, 22 KO) ўртасидаги жанг бўйича фикрлари билан ўртоқлашди.

Нуфузли мутахассиснинг сўзларига кўра, у жангни тўлиқ кўрмаган, фақатгина бир қисмини томоша қилган.

"Мен Усик ва Жошуа жангини кўрмадим. Биз Тайсон билан машғулотлар лагерида эдик. Ўша пайтда, улар жанг қилаётганда, мен кўчада барбекью тайёрлаётган эдим. 

Мен жанг натижасидан ҳайрон қолмадим. Мен баҳсни 30 сония томоша қилдим ва бўлди. Мен шунчаки ҳис қилдим. Томоша қилишни хоҳламадим. 30 сония ва мен томоша қилмаслигимни тушундим".

Стюард жанг натижасини дархол билганини тушунтирди.

"Мендан нега бундай йўл тутганимни сўрашди. Мен шунчаки натижа қандай бўлишини билардим. Жанг яхши бўлмади, худди шу йўналишда кетди, эшитганимдек, ҳеч нарса ўзгармади. Мен кўчага чиқдим ва мазали барбекю, қовурға ва стейк тайёрладим. Грилда яхши вақт ўтказдим", — деди мураббий.

Эслатиб ўтамиз, Усик Жошуани ҳакамларнинг умумий қарорига кўра мағлуб этган эди. Боксчилар ўртасидаги реванш жанги 2022 йилнинг биринчи ярмида бўлиши мумкин.

Диёр Мавлонов тайёрлади