Гаэль Монфис муваффақиятли старт олди

Эркаклар ўртасидаги баҳсларда дунёнинг 17-ракеткаси Гаэль Монфис мусобақадаги иштирокини ғалаба билан бошлади. Франциялик ракетка устаси илк даврада рейтингнинг 103-поғонасидан жой олиб турган япониялик Таро Даниэлга қарши кортга чиқди. 

Учрашувда Монфис деярли қийинчиликсиз ғалабага эришди - 6/0, 6/4, 6/1. Бу теннисчиларнинг ўзаро илк учрашуви эди. Энди Гаэль иккинчи босқичда ватандоши Адриан Маннаринога қарши кортга чиқади. Адриан биринчи даврада италиялик Стефано Травальяни 6/7(5), 6/3, 3/6, 6/2, 6/2 ҳисобида мағлуб этган.