16 июн 09:51
Янгиликлар

Теннис

Галле турнирига қуръа ташланди, Федерернинг рақиби Яшил қитъа вакили

17-23 июнь кунлари Германиянинг Галле шаҳрида ATP 500 тоифасига кирувчи нуфузли турнирнинг асосий тўр баҳслари бўлиб ўтади.

Соврин жамғармаси 2 миллион 219 минг 150 евро мукофот жамғармасига эга ушбу мусобақага қуръа ташлаш маросими ўтказилди. Турнирда биринчи рақам остида таснифланган швейцариялик Рожер Федерер илк даврада австралиялик Жон Миллманга қарши кортга чиқадиган бўлди.

Noventi Open турнирининг иккинчи ракеткаси бўлган германиялик Александр Зверев голландиялик Робин Хаасни синовдан ўтказади. Мусобақа ғолиби 429 955 евро мукофот пули ҳамда 500 рейтинг очкосини қўлга киритади.