24 май 08:29
Янгиликлар

Теннис

Гарсия Страсбург турнири ярим финалида ўйнайди

Франциянинг Страсбург шаҳрида ўтказилаётган WTA турнири ўзининг қизғин палласига кирди.

Сайёрамизнинг 24-ракеткаси Каролин Гарсия Internatinaux de Strasbourg турнирининг ярим финалига йўл олди. Франциялик теннисчи чорак финал учрашувида украиналик Марта Костюкдан устун келди.

Костюк рейтингда 264-поғонадан жой олган. Икки дақиқаси кам икки соат давом этган баҳсда Гарсия 3/6, 6/3, 6/2 ҳисобида зафар қучди. Каролиннинг финал остонасидаги рақибаси яна бир фаранг теннисчи Хлое Паке бўлади.