07 июл 08:46
Янгиликлар
Бокс/ММА
Геннадий Головкин: "Бунга ҳали тайёр эмасман"
Ўрта вазн тоифасида WBA ва IBF чемпиони Геннадий Головкин суперўрта вазнда мутлақ жаҳон чемпион Сауль Альваресга қарши трилогиядан сўнг фаолиятини якунлаши ҳақидаги саволга жавоб берди.
Қозоғистонлик 40 ёшли боксчи фаолиятини якунлаш нияти йўқлигини айтди.
"Бунга ҳали тайёр эмасман. Бу саволга жавоб бериш қийин. Ҳар куни янги воқеалар содир бўлиши мумкин. Вақти келганида вазиятга қараб қарор қабул қиламан. Олдиндан тахмин қилиш қийин. Мен бокс билан шуғулланаман, сабаби уни яхши кўраман. Нафақага чиқиш учун фақат битта сабаб бўлади. Ҳозирча фаолиятимни давом эттираман", — деди Головкин.
Эслатиб ўтамиз, Альварес ва Головкин ўртасидаги трилогия 17 сентябрь куни Невада штати Лас-Вегас шаҳридаги Т-Mobilе Аrenaʼда бўлиб ўтади.
Ҳавола :
Манба : isport
Фикрлар