Генри Сехудо UFC’дан кетганидан кейинги режаларини ошкор қилди

Сехудо UFC 323 турнирида ҳамюрти Пэйтон Талботтга қарши жангда мағлуб бўлганидан сўнг ММА’дан кетишини эълон қилган эди.

"Мен болалар учун китоб устида иш бошлаяпман ва кўплаб афсоналарга ёрдам беришни хоҳлайман. Менда ёрдам бермоқчи бўлган буюк спортчиларнинг катта рўйхати бор — уларни бизнесга ўргатиш, ҳақиқий тарихларини сўзлаб бериш имконини яратишни истайман. Менинг ҳам фарзандларим бор ва болаларни ростгўй, ҳақиқий ҳикоялар билан илҳомлантириш нақадар муҳим эканини яхши биламан.

Кичик Генри бўйи паст бола бўлган — шунинг учун бўй ўсиш мавзусини ҳам албатта киритмоқчиман. Турли спортчиларни жалб қилмоқчиман, улар ўз тарихини ўзи сўзлаб берсин, ўзлари муаллиф бўлсин. Болалар ҳақиқий воқеаларни ўқишади, “Тимми йиқилиб тушди ва жароҳатланди” каби эртакларни эмас. Бу очиқ материал бўлади ва умид қиламанки, у кўплаб болаларни илҳомлантиради", — деди Сехудо.