Гэтжи: "Макгрегор фақат мағлуб бўлганлар билан жанг қилади"

Енгил вазнда UFC чемпионлигига собиқ даъвогар, америкалик Жастин Гэтжи ирландиялик UFC жангчиси Конор Макгрегор ҳақида фикр билдирди.

"Сўнгги жангимда мағлуб бўлганим туфайли Конор Макгрегор билан жанг қилиш имконияти ошди. У фақат мағлуб бўлганлар билан жанг қилади. Мана биз шу ердамиз. Лекин жиддий айтадиган бўлсак, мен бу жанг келажакда амалга ошади, деб ўйламайман. У нима учун жанг қилади?

У октагонга жиддий ниятлар билан, шоу кўрсатиш учун чиқиши даргумон. Лекин агар биз унинг қайтиб, чемпионликка даъвогар жангчи бўлишини муҳокама қиладиган бўлсак, бу содир бўлмайди", - деди Гэтжи.