Ғиёсовнинг кардидаги марказий жангда Режис Прогрейс Даниэлито Зоррильяни мағлуб этиб, чемпионлик камарини ўзида сақлаб қолди

Matchroom промоутерлик компанияси томонидан ташкил этилган оқшом доирасида бироз олдин ярим ўрта вазн тоифасидаги ўзбекистонлик боксчи Шаҳрам Ғиёсов (14-0) WBA йўналишидаги элиминатор жангида америкалик Ҳарольд Кальдеронга (27-1) қарши рингга чиқиб, ғалаба қозонган эди.

Кечанинг марказий жанги биринчи ярим ўрта вазн тоифаси вакиллари - WBC чемпиони Режис Прогрейс (28-1-0) ҳамда пуэрто-риколик Даниэлито Зоррилья (17-1-0) ўртасида кечди. Мазкур чемпионлик жанги тўлиқ 12 раунд давом этди ва унда ҳакамлар қарори билан 118-109, 113-114, 117-110 ҳисобларида Прогрейс ғалаба қозониб, ўз камарини сақлаб қолди.

Қайд этиш жоиз, бу Прогрейс учун илк муваффақиятли ҳимоя жанги бўлди.