27 фев 14:40
Янгиликлар

Бокс/ММА

Zuffa Boxing вакилига айланган Конор Бенн илк жангини Фьюри билан бир оқшомда ўтказади, у мазкур жанг орқали яхшигина "соққа" ишлаб олади!

Британиялик профессионал боксчи Конор Бенн фаолиятини Zuffa Boxing Лигаси билан ҳамкорликда давом эттиради.

29 яшар чарм қўлқоп устаси Дана Уайт раҳбарлигидаги ташкилотда илк жангини 11 апрель куни Лондон шаҳридаги "Тоттенхэм" стадионида ташкил этиладиган проф бокс оқшомида ўтказади.

Беннга ўша куни 37 ёшли америкалик Режис Прогрейс рақиб бўлади.

Маълумотларга кўра, Конор Бенн мазкур жанги орқали 15 млн АҚШ доллари миқдорида гонорар ишлаб олади.

Бенн фаолияти давомида ҳозиргача 25 та жанг ўтказиб, 24 та ғалаба ва 1 та мағлубият қайд этган. Режис Прогрейс ҳисобида эса 30 та ғалаба ва 3 та мағлубият бор.