12 авг 11:02
Янгиликлар

Бокс/ММА

Ғиёсовнинг вазнидаги чемпион Эннис Мадримовнинг дивизионига ўтди. Унинг илк жанги ҳам тасдиқланди + ПОСТЕР

Яримўрта вазнда эндиликда собиқ жаҳон чемпиони Жейрон Эннис биринчи ўрта вазнда дебют қилади.

Содда тилда айтганда, Жейрон Шаҳрам Ғиёсовнинг вазнидан Исроил Мадримовнинг дивизионига кўтарилди. Америкалик чарм қўлқоп устаси камарини вакант қолдириб, оғирроқ вазнда ўзини синаб кўришга қарор қилган.

Унинг биринчи ўрта вазндаги дебют жанги 11 октябрь куни бўлиб ўтади. У шу куни анголалик Уисма Лимага қарши рингга кўтарилади. Африкалик 32 ёшли боксчи проф рингда 15 та жанг ўтказиб, 14 ғалаба (10 таси муддатидан аввал)га эришган. Ягона мағлубиятини 2023 йилда ирландиялик Аарон Маккенада қабул қилиб олган.

Турки ал аш-Шейхга тегишли The Ring журналининг хабар беришича, ушбу жанг WBA камари учун даъвогарлик мақомида бўлади. Эннис айни пайтда WBA рейтингида 2, Лима эса 10-ўринни эгаллаб турибди.