01 янв 11:53
Янгиликлар

Бокс/ММА

Ғоибназаров афсонавий Фредди Роуч қўл остида машғулот ўтказди ФОТО + ВИДЕО

Рио Олимпиадаси чемпиони, бугунги кунда профессионал боксда фаолият олиб бораётган ҳамюртимиз Фазлиддин Ғоибназаров навбатдаги жангига тайёргарликни даом эттирмоқда.

Фазлиддин машғулотларнинг бирида афсонавий мураббий, кўплаб машҳур жаҳон чемпионларига устозлик қилган Фредди Роуч билан бирга ишлади. Роуч Ғоибназаров билан “лапа”да машғулот ўтказди ва қимматли маслаҳатларини берди.

Эслатиб ўтамиз, ҳамюртимиз 18 январь куни АҚШда Доминикан Республикаси вакили Рикардо Гарсияга қарши рингга кўтарилади. Фазлиддин шу кунгача профессионал боксда 6та жанг ўтказиб, уларнинг барчасида ғалаба қозонган. Учта жангда рақибларини нокаутга учратган.

Унинг рақиби Рикардо Гарсия эса 19 маротаба проф рингда жанг қилган. 14та жангда рақибларини мағлубиятга учратган. Яна 9 тасида рақибларини нокаут ҳисобиша ютган. Қолган 4 та жангда мағлубият аламини тотиб кўрган, битта баҳсда эса дурангга эришган.

ВИДЕОНИ КЎРИШ