09 июл 13:19
Янгиликлар
Бокс/ММА
Головкин Альваресдан кейин ким билан жанг ўтказиш истагида эканлигини айтди
Профессионал бокснинг ўрта вазн тоифасида WBA, WBC ва IBO йўналишлари чемпиони Геннадий Головкин ўз дивизионида барча чемпионлик камарларини ўз қўлида бирлаштириш истагида эканлигини маълум қилди.
Хабарингиз бор, қозоғистонлик жаҳон чемпиони 15 сентябрь куни АҚШнинг Невада штати Лас-Вегас шаҳрида мексикалик Сауль “Канело” Альваресга қарши реванш жангида рингга кўтарилади.
“Альварес билан жангдан сўнг ўз вазн тоифамдаги барча чемпионлик камарларини ўз қўлимда бирлаштиришни истайман. Айни пайтда WBC камарим учун расмий даъвогар Жермалл Чарло ҳисобланади. WBA ташкилоти эса япониялик Риото Мурата билан жанг ўтказишимни хоҳлаяпти. Шахсан ўзим эса Билли Жо Сондерсга қарши рингга чиқишни ва унинг камарини қўлга киритишни истайман”, – деди Головкин.
Маълумот учун, Билли Жо Сондерс WBO чемпиони бўлиб турибди. Британиялик бу жаҳон чемпиони навбатдаги жангини расмий даъвогар америкалик Деметриус Андрадега қарши ўтказади.
Ҳавола :
Фикрлар