16 июн 11:06
Янгиликлар

Бокс/ММА

Головкин vs Альварес. Ниҳоят, реванш ўтказилади, жанг санаси ҳам маълум

Ниҳоят, орзиқиб кутилган профессионал бокс оламидаги энг муҳим жанглардан бири ўтказиладиган бўлди.

Профессионал бокснинг ўрта вазн тоифасижа WBC, WBA (Super) ва IBO йўналишлари чемпиони Геннадий Головкин (38-0-1, 34 КО) ва мексикалик Сауль “Канело” Альварес (49-1-2, 34 КО) реванш жангини ўтказиш бўйича келишувга эришишди.

Ҳар икки боксчининг промоутерлари такрорий жангни ўтказиш масаласида бир ярим соат давом этган музокарадан сўнг бир тўхтамга келишди. Реванш жанги 15 сентябрь куни АҚШнинг Невада штати Лас-Вегас шаҳридаги T-Mobile аренада бўлиб ўтади.

Орзиқиб кутилган ушбу жангни HBO телеканалида пуллик трансляция тизимида (PPV) олиб кўрсатилади. Жангдан тушадиган умумий даромаднинг 42,5 фоизига Головкин, қолган 57,5 фоизини эса Альварес эга бўлади.