Горан Иванишевич коронавирусни енгди

Горан ҳам дунёнинг биринчи ракеткаси Новак Жокович ташкил қилган турнирни томоша қилиш учун Задарга келганди. Бошқа теннисчилар қатори у ҳам коронавирус юқтириб олган эди.

"Иккита салбий ва иккита ижобий тестдан кейин бешинчи маротаба коронавирусга таҳлил топширдим. Ниҳоят, ҳаммаси яхши чиқди. Энди бемалол Задарни тарк этсам бўлади. Шифокорларга раҳмат айтмоқчиман. Улар бор имкониятларини ишга солишди. Мен худди беш сетлик қийин учрашувда ғалаба қозонгандек ўзимни ҳис қилдим", - дейди Горан Инстаграм саҳифасида қолдирган хабарида.