07 май 07:24
Янгиликлар

Теннис

Григор Димитровнинг стартдаги кутилмаган мағлубияти

Испания пойтахти Мадрид шаҳрида “Мастерс” сериясига кирувчи нуфузли турнир бўлиб ўтмоқда.

Сайёрамизнинг 46-ракеткаси Григор Димитров ўзининг илк учрашувидаёқ мағлубият аламини тотиб кўрди. Болгариялик теннисчи рейтингда ўзидан тўққиз поғона пастда бораётган америкалик Тэйлор Фритцга ютқазиб қўйди.

Фритц 1 соату 47 дақиқа давом этган учрашувнинг ҳар икки сетини тай-брекларда ўз фойдасига ҳал қилди - 7/6(8), 7/6(4). Энди 21 ёшли Тэйлор иккинчи давра учрашувида дунёнинг биринчи ракеткаси, сербиялик Новак Жоковичга қарши кортга чиқади.