09 май 07:08
Янгиликлар

Теннис

Грунт қироли ғалаба билан бошлади

Испания пойтахти Мадрид шаҳрида теннис бўйича "Мастерс" сериясига кирувчи нуфузли турнир давом этмоқда.

Дунёнинг иккинчи ракеткаси бўлиб турган Рафаэль Надаль ўз иштирокини тўғридан-тўғри иккинчи босқичдан бошлади ва ғалабага эришди. Грунт қироли “Тошкент Челленжер” турнирининг амалдаги ғолиби канадалик Феликс Ожедан устун келди.

Испаниялик теннисчи 1 соату 37 дақиқа давом этган баҳс якунида икки сетда ҳам бир хил ҳисобда зафар қучди - 6/3, 6/3. 18 ёшли Оже АТР рейтингида 30-ўринни эгаллаб турибди. Энди Рафаэль Mutua Madrid Open турнирининг нимчорак финал учрашувида америкалик Фрэнсис Тиафога қарши кортга чиқади.