Грунт қироли Монте-Карло “Мастерси”ни ғалаба билан бошлади

Испаниялик теннис юлдузи иккинчи давра учрашувида ҳамюрти Роберто Баутиста-Агутга қарши кортга чиқди. Надаль 1 соату 16 дақиқа давом этган баҳсда рейтингнинг 22-поғонасидан жой олиб турган рақибига ҳеч қандай имконият қолдирмади - 6/1, 6/1. 

Икки теннисчининг ўзаро учрашувларидаги ҳисоб 3:0 кўринишига келди. Энди Надаль навбатдаги босқичда болгариялик Григор Димитров ҳамда германиялик Ян-Леннард Штруфф ўртасидаги учрашув ғолибига қарши кортга чиқади.