10 янв 08:30
Янгиликлар

Бокс/ММА

Гусковнинг жамоадоши Вальтер Уокерга рақиб берилди

Бразилиялик рус Вальтер Уокернинг навбатдаги жанги тафсилотлари маълум бўлди.

Ҳамюртимиз Богдан Гусковнинг "ГОР ММА"даги жамоадоши бизнинг вақт билан 29 март куни тонг саҳарда АҚШнинг Сиэтлл шаҳрида ташкил этиладиган UFC Fight Night турнирида октагонга чиқади. 28 ёшли Вальтернинг рақиби польшалик 40 яшар Марчин Тибура бўлади.

Маълумот учун, Уокер (15-1) ҳозирда UFC’нинг оғир вазн тоифаси рейтингида ўн тўртинчи ўринни эгаллаб турибди ва бир хил усул - товонни бураш орқали муддатидан олдин эришилган тўртта ғалабадан иборат ноёб серияда кетмоқда.

Тибура (27-10) эса сентябрь ойида бўлиб ўтган сўнгги жангида Анте Делияга биринчи раунддаёқ нокаут билан ютқазди. Бунгача у кетма-кет икки ғалабага эришганди. Ҳозирда у рейтингда ўнинчи ўринни банд этган.