07 июн 08:17
Янгиликлар

Теннис

Ҳамюртимиз "Ролан Гаррос" турнирида чорак финалга чиқди

Париж кортларида "Катта Дубулға" туркумига кирувчи "Ролан Гаррос" турнири давом этмоқда.

Мусобақанинг ёшлар ўртасидаги баҳсларида иштирок этаётган ягона ҳамюртимиз Сергей Фомин жуфтлик турнирида чорак финалга чиқди. Фомин яккалик баҳсларининг биринчи даврасида япониялик Синтаро Мочизукига 4:6, 6:2, 5:7 ҳисобида ютқазиб қўйганди.

Бельгиялик Онклин Готье билан саккизинчи рақамли жуфтликни ҳосил қилган Фомин 52 дақиқа давом этган 1/8 финалда бразилиялик Маттэус Алвеш ҳамда америкалик Уилльям Грант ҳамкорлигини 6:3, 6:3 ҳисобида таслим этди.

Бугун Сергей ва Онклин ярим финал чиптаси учун аргентиналик Хуан Баутиста Торрес ҳамда испаниялик Пабло Лиамас Руизга қарши кортга чиқишади. Учрашувнинг Тошкент вақти билан соат 15:30да бошланиши белгилаб қўйилган.