21 янв 08:08
Янгиликлар
Бошқалар
Ҳарбий хизматчилар ўртасида бадминтон бўйича мусобақа ўтказилди
Тошкент шаҳрида бадминтон спорт тури бўйича Ўзбекистон Республикаси Мудофаа вазирлиги тизимида хизмат қилаётган ҳарбий хизматчилар ўртасида спорт мусобақаси ўтказилди.
Пойтахтимиздаги “Чорсу” спорт клуби базасида бўлиб ўтган ушбу мусобақа Ўзбекистон Республикаси Қуролли Кучлари ташкил этилганлигининг 28 йиллиги ҳамда 14 январь – Ватан ҳимоячилари кунига бағишлаб ташкил қилинди.
Қизиқарли ва муросасиз баҳсларга бой ўтган мусобақада 60 дан зиёд ҳарбий хизматчилар ғолиблик йўлида ўз омадларини синовдан ўтказишди.
Мусобақа якунида ғолиб ва совриндорлар Ўзбекистон Республикаси Жисмоний тарбия ва спорт вазирлиги томонидан диплом, медаль ва эсдалик совғалари билан тақдирланишди.
Ҳавола :
Манба : minsport.uz
Фикрлар