14 дек 15:56
Янгиликлар
Бокс/ММА
Ҳасанбой Дўсматов навбатдаги режаси ҳақида гапирди ва пулни нимага сарфлашини айтди
Кеча Жаҳон чемпионатида ўзининг иккинчи олтин медалини қўлга киритган Ҳасанбой Дўсматов финалдан кейинги таассуротлари билан ўртоқлашди.
"Мана Аллоҳга шукр, икки карра Жаҳон чемпиони бўлдик. Бунинг учун бутун Ўзбекистонга раҳмат айтаман. Юртбошимиз бошчилигида бизга имкониятлар яратиб берилмоқда, биз эса бундан унумли фойдаланмоқдамиз. Бунинг учун раҳмат. Мураббийларимга ҳам.
Бундан кейин ҳам тўхтаб қолмаймиз ва кучим етганича ҳаракат қиламан. Ҳали бери фаолиятимни тугатиш ниятим йўқ.
Энди бундан буён проф боксда чемпионлик камарига ҳаракат қиламиз.
Пулни нимага сарфлайман? Ота-онамизга берамиз. Шу ергача етиб келишга ўз ҳиссасини қўшган инсонлар, ортимизда турувчи одамлар - ота-оналаримиздир.
Эслатиб ўтамиз, IBA ЖЧ ғолиблари учун 300 минг АҚШ доллари беради. Ушбу сумманинг 150 минг доллари спортчининг ўзига тегишли бўлади.
Ҳавола :
Манба : olamsport.com
Фикрлар