10 авг 13:54
Янгиликлар
Бокс/ММА
Ҳавасбек Асадуллаев профессионал боксда яна бир ғалабасини нишонлади
Кеча Россия Федерациясининг Екатеринбург шаҳрида RCC Boxing проф бокс оқшоми бўлиб ўтди.
Хабар берганимиздек, мусобақа доирасида ўзбекистонлик ёш чарм қўлқоп устаси Ҳавасбек Асадуллаев россиялик Вадим Лубсановга қарши баҳс олиб борди.
8 раунд этиб белгиланган беллашув тўлиқ давом этди. Якунда 25 яшар Асадуллаев ҳакамларнинг якдил қарори билан ўз ғалабасини нишонлади.
Шундай қилиб, Ҳавасбек проф фаолиятидаги 4-жангида 4-ғалабасига эга чиқди. 28 ёшли Вадим Лубсанов ҳисобида эса энди 11 та ғалаба ва 6 та мағлубият бор.
Ҳавола :
Манба : RCC Boxing
Фикрлар