Ҳавасбек Асадуллаев Россия чемпионига илк мағлубиятни тақдим этди

Биз учун аҳамиятлиси, "Лужники"да ўтган IBA.PRO 14 турнирида мағлубият ва муроса нималигини билмай келаётган чарм қўлқоп устамиз Ҳавасбек Асадуллаев (8-0, 5 КО) ўзи сингари мағлубият ва дуранги йўқ собиқ EBP чемпиони, профессионаллар ўртасида Россия чемпиони Алан Хугаев (21-1, 10 КО)га қарши ярим ўрта вазн тоифасидаги 8 раундлик жангда қарши рингга чиқди. 

Тўлиқ саккиз раунд давом этган жангда Асадуллаев мезбон боксчини ҳакамларнинг якдил қарори билан очколар ҳисобига кўра мағлубиятга учратди. Бу Хугаевнинг илк мағлубияти бўлди. У кечаги жангга қадар 21 та ғалаба қайд этган, 10 тасида рақибларини муддатидан аввал мағлубиятга учратган эди. Ҳавасбек эса проф рингдаги саккизинчи ғалабасини тантана қилди. Нокаутли ғалабалари сони 5 талигича қолди.