06 янв 07:44
Янгиликлар

Теннис

Hopman Cup. Швейцария - кетма-кет иккинчи йил ҳам чемпион!

Австралиянинг Перт шаҳрида терма жамоалар иштирокидаги анъанавий мавсумолди - Хопман Кубоги якунланди.

Бу йил ҳам Швейцария терма жамоаси бош совринни қўлга киритди. Рожер Федерер ва Белинда Бенчичдан иборат швейцариялик теннисчилар ҳал қилувчи финал учрашувида Германия терма жамоасини 2:1 ҳисобида мағлуб этишди.

Аввалига Рожер Федерер Александр Зверевни 6:4, 6:2 ҳисобида мағлуб этди. Бенчични 6:4, 7:6(6) ҳисобида енган Анжелик Кербер мувозанатни тиклади. Ҳал қилувчи микст, яъни аралаш жуфтлик баҳсида Федерер - Бенчич ҳамкорлиги 4/0, 1/4, 4/3(4) ҳисобида устун келди.