15 дек 15:15
Янгиликлар

Бокс/ММА

"Ҳумо Арена"да ўтадиган Octagon 83 турнири чипталари қанчадан сотиляпти?

Хабар берганимиздек, 19 декабрь куни пойтахтимиздаги кўптармоқли "Ҳумо Арена" муз саройида Octagon 83 турнири бўлиб ўтади.

Айни пайтда ушбу оқшом учун чиқарилган чипталарнинг ҳам онлайн, ҳам оффлайн сотуви давом этмоқда. Ғазнада энг арзон чиптанинг нархи 50 000 сўм, энг қиммати эса 700 000 сўм қилиб белгиланган. Чипталарни жойига қараб, 50 000, 70 000, 100 000, 150 000, 200 000, 250 000, 400 000, 550 000 ва 700 минг сўмдан харид қилиш мумкин.

Турнир кардидан Анвар Абдуллаев, Шоҳасан Мирзаматов, Бобур Абдулазизов, Азизбек Темиров, Одилхон Камалов сингари таниқли аралаш яккакураш усталаримизнинг жанглари ўрин олган.