19 авг 11:31
Янгиликлар

Хоккей

"Ҳумо" "Евро-Осиё Дўстлик кубоги"нинг биринчи босқичини пешқадам сифатида якунлади

Кеча Тошкент шаҳрида хоккей бўйича "Евро-Осиё Дўстлик кубоги" ўртоқлик турнири ўз ниҳоясига етди.

Россиянинг "АКМ", Беларуснинг "Брест", Қозоғистоннинг "Арлан" ҳамда Тошкентнинг "Ҳумо" хоккей клублари иштирокидаги кичик мусобақага пойтахтимиздаги "Ҳумо Арена" мажмуаси мезбонлик қилди.

Турнирнинг сўнгги, учинчи тури доирасида мезбон "Ҳумо" Қозоғистон чемпионатининг амалдаги ғолиби — "Арлан"дан 5:3 ҳисобида устун келди.

Иккинчи беллашувда эса "АКМ" "Брест" билан тўқнаш келди ва 2:1 ҳисобида зафар қучди.

Шу тариқа, мусобақа якунига кўра, "қанотлилар" ўртоқлик турнирида 6 очко билан якка пешқадам бўлди.