"Ҳумо" финал доирасида "Номад"га қарши навбатдаги ўйинларини қачон ўтказади?

Хабарингиз бор, кеча Тошкентнинг "Ҳумо" клуби Қозоғистон Очиқ чемпионати финали доирасида "Номад"га қарши иккинчи ўйинини ўтказиб, 3:6 ҳисобида мағлубиятга учраган эди.

Жамоамиз қозоғистонлик рақибларига қарши иккита учрашувнинг биринчисида ғолиб бўлган бўлса, иккинчисида мағлубият аламини тотиб кўрди. Ҳозирча умумий ҳисоб - 1:1.

"Қанотлилар" энди "Номад"га қарши учинчи ўйинини 7 апрель куни сафарда ўтказади. Остона шаҳрида ўтувчи учрашув соат 18:00 да бошланади. 8 апрель куни тўртинчи ўйин бўлиб ўтади. Ҳар қандай ҳолатда ҳам Тошкентда бу жамоалар камида яна битта учрашувда тўқнаш келишади.