18 окт 08:14
Янгиликлар

Хоккей

"Ҳумо" "Горняк"ка қарши Тошкентдаги иккинчи ўйинини ўтказди

Тошкентнинг "Ҳумо" хоккей клуби Қозоғистон чемпионати доирасида Руднийнинг "Горняк" жамоасига қарши иккинчи ўйинида музга чиқди.

Қўшниларнинг илк ўйинида "қанотлилар" 4:3 ҳисобида ғалаба қозонишганди. Иккинчи учрашувда "Горняк" анча ишончли - 5:2 ҳисобида зафар қучиб, илк ўйиндаги мағлубият учун реванш ола билди.

"Ҳумо"нинг голларига Вячеслав Литовченко ва Павел Синявский муаллифлик қилди. Меҳмонлар таркибида Никита Ляпунов дублга эришди. "Қанотлилар" кечаги мағлубиятдан кейин 11 очко билан 7-ўринга тушишди. "Горняк" эса кетма-кет 4 та мағлубиятини ёпиш баробарида 14 очко билан 5-ўринга кўтарилиб олди.

Қозоғистон Мунтазам чемпионати

"ҲУМО" - "Горняк" 2:5 (0:1, 2:1, 0:3)

17 октябрь, Тошкент, "Ҳумо Арена" кичик мажмуаси