14 окт 10:09
Янгиликлар

Хоккей

"Ҳумо" "Сариарка"га қарши иккита сафар ўйинида жами 3 очко ишлади

12-13 октябрь кунлари Тошкентнинг "Ҳумо" хоккей клуби Қозоғистоннинг Қарағанда шаҳрига сафар қилди.

Қанотлилар сафар давомида Қозоғистон чемпионати доирасида "Сариарка" жамоасига қарши музга чиқди.

Дастлабки беллашувда мезбонлар овертаймда ғалабани илиб кетди — 3:2.

Кеча ўтказилган иккинчи учрашувда эса тошкентликлар 5:4 ҳисобида овертаймда ғалабани илиб кетди.

Шу тариқа, "Ҳумо" "Сариарка"га қарши иккита сафар ўйинида жами 3 очко ишлади. Клуб айни дамда турнир жадвалида 8 ўйиндан сўнг 9 очкога эга бўлган ҳолда еттинчи ўринни эгаллаб турибди.

Ҳамюртларимизнинг кейинги ўйинлари 16-17 октябрь кунлари Тошкентда "Горняк"ка қарши бўлиб ўтади.