17 дек 16:16
Янгиликлар

Хоккей

"Ҳумо" январь ойи бошида халқаро мусобақада иштирок этади

Хоккей бўйича "Евросиё дўстлик кубоги" мусобақасининг якуний босқичи санаси ва манзили эълон қилинди.

Турнирнинг ярим финал ва финал беллашувлари 2025 йил 6-7 январь кунлари Тула шаҳрида ўтказилади.

Унда Тошкентнинг "Ҳумо" клубидан ташқари ВХЛ чемпиони "Нефтьяник" (Алметьевск, Россия), Экстра-Лига чемпиони "Металлург" (Жлобин, Беларус) ҳамда ВХЛ вице-чемпиони АКМ (Тула, Россия) жамоалари иштирок этади.

Эслатиб ўтамиз, жорий йилнинг август ойида Тошкентда ўтказилган "Евросия дўстлик кубоги"нинг саралаш босқичида "Ҳумо" барча учта ўйинда ғалаба қозониб, ғолибликни қўлга киритган эди. Иккинчи йўлланма эса финал босқичи мезбони бўладиган АКМ жамоасига насиб этган.