Ҳумоюн Султонов 16 та эйс "қурбони" бўлди

Ушбу мусобақада мамлакатимизнинг биринчи ракеткаси Ҳумоюн Султонов ҳам ўз омадини синаб кўрди. Ҳамюртимиз асосий тўрнинг илк даврасида турнирда тенгдоши, саккизинчи рақам остида сараланган ливанлик Ҳади Ҳабибга қарши кортга чиқди. 

Тўқсон бир дақиқа давом этган баҳсда 26 ёшли Ҳабиб 6/3, 7/6(4) ҳисобида ғалаба қозониб, 1/8 финалга йўл олди. Ливанлик теннисчи баҳс давомида 16 та эйс зарбасини амалга оширди. Ҳумоюнда бу кўрсаткични 4 тани ташкил этди. Қўшхатолар ҳамюртимизда кўпроқ бўлди - 5 га 2. 

Таққослаш учун, Ҳумоюн Султонов ҳозирда ATP рейтингида 224, Ҳади Ҳабиб эса 174-ўринни эгаллаб турибди. Бу икки теннисчининг ўзаро ўтказган илк учрашуви бўлди.