Ҳумоюн Султонов иштирокидаги баҳс якунига етмай қолди

Мусобақада биринчи рақам остида таснифланган Ҳумоюн Султонов 1/8 финалда ўз иштирокини якунлади. Ҳамюртимиз илк даврада жиддий қаршиликка дуч келганди. У рейтингнинг 992-поғонасида бораётган россиялик Семен Панкинга қарши кечган 2 соату 52 дақиқалик учрашувда матч-боллдан чиқиб кетган ва якунда иродали ғалабага эришганди - 7/6(2), 3/6, 7/5. 

Бугун мамлакатимизнинг биринчи ракеткаси иккинчи даврада италиялик Александр Биндага қарши кортга чиқди. Султонов биринчи сетнинг бешинчи геймидан кейин баҳсни давом эттира олмаслигини билдирди. Катта эҳтимол бу унинг жароҳати билан боғлиқ ҳолат. Сетни 4/1 ҳисобида ўз фойдасига ҳал қилаётган италиялик теннисчи курашсиз 1/4 финалга йўл олди. 

Таққослаш учун, Султонов ATP рейтингида 223, Александр Бинда 606-поғонадан жой олган.